Ka All Hynñiewtrep People United Front (AHPUF) kala leit buh daka jingthoh ha u Executive Engineer ka MeECL, Jowai ban dawa maramot ïa u Transformer ba don ha Lumpyrtuh Mihmyntdu mar myrshah ka Manish Marble.
Ka seng kala ong kumba long mynta u tei u Transformer ula don hapdeng ka jingjot jingpra bad kala buh jingma ïa ki paidbah nongshong shnong kiba ïaid najan bad khamtam ïa kito ki longïing kiba sah marjan bad utei u Transformer.
Halor kane ka seng ka kyrpad jur ïa ka tnad MeECl ba kan shim khia mardor ïa kane ka jingdawa bad ban pynshna thymmai noh shi syndon ïa u tei u Transformer, khnang ba kan long ka jingshngaiñ ïa kiba bun ba lang, pynkut ka kyrwoh na u President ma J. Phawa bad u Secretary ma W. Langwar.