Hadien shisngi ka jingshah lynshop ki paidbah nongshong shnong na ka liang u MDC ka 11-Shilliang Myntang u ma Daeimi Liam mynta ka sngi 16 tarik u Ïaïong ula phah da ka jingthoh sha u Deputy Commissioner ka West Jaiñtia Hills District bad kumjuh sha u Block Development Officer (BDO) ka Laskeiñ C&RD.
Ha katei ka shithi u MDC u la dawa jur ban pynïoh jingïarap kloi ïa baroh ki longïing kiba shah ktah na ka jingwan lyngshop u Phria ha ka 14 tarik u Ïaïong, 2025 kata ha ka shnong Latymphu A, Lathumphu B, Musiaw, Umsalang, Thadbamon, Sookhlieh, Lummuriap, Bhain bad Thadsning kibadang hap hapoh ka Constituency jong u ma Liam.
Kane ka jingwan lynshop Phria kala pynjot pynpra ïa kiba bun ki tnum ïing bad ki jingkhang jong ki ïing. Halor kane jingshaktah u MDC u la dawa na ki bor sorkar ba kin pynïoh jingïarap pisa mar mar sha kitei ki longïing ba shah ktah, khnang ba kin ïoh ban maramot noh ïa ki bynta ba shahpynjulor bad ban shna thymmai ïa ki jingdonkam.
Ha ka juh ka por u la kyntu jur ïa ki bor ba dei peit ba kin leit ban jurip dalade hi sha kitei ki jaka khnang ba kin tip ban pynïoh ïa ki lad jingïarap.