Ka seng All Hynñiewtrep People United Front (AHPUF), kala phah da ka shithi ban dawa pynkynriah kam noh ia u Branch Manager (BM) jong ka Meghalaya Rural Bank (MRB) Mihmyntdu, ka daw jong ka jingdawa ka seng ban kynriah kam ia utei u Manager ka long ba u dei uba na bar jylla, ha kaba bun ki paidbah ki la ujor sha ka seng ba kim juh sngewthuh sngewthaw ban iakren iakhana bad u, namar um sngewthuh ban iaren da ka ktien Pnar ne Khasi, nalor kata u long briew u ba sarong bad u bym tip ban burom ia kiba wan donkam ha katei ka Bank.
Kumta na ka liang kiba bun hi ki briew ki la dawa ba dei ban kynriah noh ia kum une u briew u bym bit ban bat ia ka kam Manager ha katei ka Bank ha Mihmyntdu Branch.
Na ka liang u General Manager jong ka Meghalaya Rural Bank u la phone ruh sha u President ka AHPUF ban iakren, hynrei na ka liang ka seng ka la kyrpad beit na u General Manager ka Meghalaya Rural Bank, ba dei ban kynriah beit la kumno kumno ia utei u Banch Manager ka MRB Mihmyntdu bad phah noh da uwei uba dei u Khasi ne Pnar, khnang ki paidbah kiba shong shnong kiba hap hapoh ka jingpeit katei ka Bank kin suk ka jingiadei kam.
Iathuh ka khubor bala phah da u President ka AHPUF u samla Jhon Phawa.
