U Hymmen jong u (L) Raja Raghuvanshi u Vipin Raghuvanshi hynne ka sngi ka 3 tarik haba kren sha ki lad pathai khubor u la ong ba ka ïing ka sem ka dawa ban tohkit da ka CBI halor ka jingkhlad u para u jong u.
U la pyntip ba ka jingdawa tohkit CBI ka dei hadien ba u hymmen u suba ba u para u shah pyniap ha ka por ba lap ia ka met u hymmen u iathuh ba ka sati ksiar, ka Wallet, bad u kynjri ksiar kim don shuh ha ka met jong u para. Kumta na ka liang u Hymmen ula dawa ban tohkit da ka CBI ban lap ia ka jingshisha.
Shuh shuh u hymmen u la pynpaw haba iadei bad ka met jong u para u la pyntip ba yn rah ia ka sha Indore ban pyndep ia ka jinglehniam ba khadduh.
Na ka liang ki Pulit jong ka Jylla haduh mynta ki dang wad ban lap sa ia ka kurim u Raja Raghuvanshi ka Sonam Raghuvanshi kaba dang jahrngai.
Kumban shu pynkynmaw kine ki shijur na Indore u Raja Raghuvanshi bad ka Sonam Raghuvanshi ki la wan shangkai sha Sohra hadien ba ki la pyndep ia ka jingiathoh shongkurim ba dang shen jong ki.