Ka All Jaiñtia Film, Music and Art’s Association (AJFM&AA) ha ka jingïakynduh bad u Myntri Rangbah ka sorkar jylla mynta kasngi ha CTC Orchid Inn, Thadlaskein, kila dawa ban pynlong ïa ka International Film Festival ha nongbah Jowai.
Na ka liang u Myntri Rangbah ula pynpaw ka jingsngewkmen halor kane ka jingdawa kaba donkam eh, da kaba pyntip hadien kane un sa pynlong ïa ka jingïakren hapdeng u MLA bad u myntri ka tnad Tourism ka jylla ban ïoh leh ïa kaba donkam.
Ha kawei pat ka jingiakynduh bad ki dkhot All Jaiñtia Muster Roll and Labour Union, ha kaba ïadei bad ka jingkyrpad ka seng ban pyntreikam ïa ka rukum siew tulop ïa ki nongtrei kaba long katkum ka Minimum Wages bala pyntrei thymmai da ka sorkar naduh ka 1 tarik October 2023. Kumjuh ban pyntrei kam ïa ka Regular Casual Worker (RCW) bad ban pynïoh ïa ka bai bam tymmen jong ki nongtrei Muster Roll kiba 58-60 snem bad ban pynkiew ïa ka bai nong katkum ka (service) treikam jong ki, na ka liang jong u Myntri Rangbah ula kular ban shimkhia.