Hadien ka jingshah thang ka kali jong u Acting Syiem ka Hima Nobosohphoh syiemship u bah Ferdinand Syiemïong ha ki runar ki bym lah ban ithuh ha ka step phyrngap jong ka 26 tarik u bnai Nailur 2025, na ka liang ka Synjuk ki Rangbah Shnong (SRS) Nobosohphoh Syiemship ha ka 27 tarik u bnai Nailur 2025 ki la lum ïa ka jingïalang kyrkieh hapoh ka ophis trei kam jong u syiem ha Rangblang SWKHD.
Hadien ka jingïalang na ka liang ki nongïalam ka Synjuk ki Rangbah Shnong jong ka Hima Nobosohphoh ki la pynrem jur ïa ka jingleh riewkhlaw jong kine ki briew kiba la thang dusmon ïa ka kali jong u Acting Syiem kaba la wanrah ïa ka jingshong syier ïa ka dong ka thaiñ namar kum kine ki kam kim ju kham jia koit hapoh ka hima.
Haka juh ka por ka synjuk ka la kyntu jur ïa ki bor jong ka aiñ ba kin thwet mardor ïa kine ki briew kiba leh ïa kane ka kam bad ban kem ïa ki khnang ba kum kine ki jingjia kin nym jia shuh nangne sha khmat.
