Ka Sub-Divisional Officer (Supply) jong ka Amlarem Sub-Division ka la pyntip paidbah ba katkum ka jingbthah na ka sorkar Meghalaya, ba baroh ki paidbah ki dei ban long husiar bha ha ka jingiadei bad ka jinglehthok leh shukor kaba jia lyngba ki online bad kiwei de ki kam bymman lyngba ki Computer.
La kyntu ia ki paidbah ba ki dei ban ujor mar mar sha ki bor jong ka aiñ lada ki lap ba don kiba lehthoh kum ki kam runar lyngba ki internet, ka jinglehthok lyngba ki online, ka jinglehthoh lyngba ki ID, ka jingshahthoh ha ka pisa pilaiñ, ka jingshah lehbeiñ lane ka jingshahleh thombor lyngba ki computer, ki mobile phone lane lyngba kino kino ki lad pathai (Digital).
Ia kum kine ki kam bymman lah ban ujor ne pyntip sha ka National Cyber Crime Reporting Portal (NCCRP) ha ka website www.cybercrime.gov.in lane sha ka National Cyber Helpline Number : 1930.
Ka SDO (Supply) ka pynshlur ruh ia ki paidbah ban bud bad subscribe ia ka “Cyberdost” kaba dei ka tnad jong ka sorkar lyngba ka Ministry of Home Affairs, kaba peit thuh ia ki social media na ka bynta ka jingiaid beit bad ka jinglong phikir ha ki kam social media (Cyber Safety).
