Ka seng samla pule jong ka thaiñ Shatei Lammihngi North Eastern Students Organisation (NESO), ka kynhun jong ka seng samla pule jong ka Jylla All Assam Students Union (AASU), All Arunachal Pradesh Students’ Union (AAPSU), All Manipur Students’ Union (AMSU), Garo Students’ Union (GSU), ki samla pule ka Khasi Students’ Union (KSU), Mizo Zirlai Pawl (MZP), Naga Students’ Federation (NSE) bad ki samla pule TwipraKa Federation (TSF), kaba mihkhmat ia ka sur ba iatylli jong ki samla pule jong ka thaiñ Shatei Lammihngi, ki la pynpaw ia ka jingsngewdiaw halor ka rai jong ka Supreme Court India ha kaba iadei bad ka jingshah pyniap ha Oting, ka jingjia ba sngewsih, kaba la jia ha ka 4 tarik u December, 2021, ha u snem 2020.
Lah ban kdew hangne ba ka Mon District jong ka Nagaland, ka la iohi ia ka jingshah pyniap kaba shyrkhei jong ki 14ngut ki riew paidbah ki bym don pop ha ki briew jong ka 21 Para (SF) Unit jong ki shipai India. Wat hapdeng ki sakhi kiba bun bha kiba la lap da ka kynhun tohkit ba kyrpang (SIT), ka iingbishar ba ha khlieh duh, ha ka 17 Tarik Nailar ka la pynkut noh ia ka jingtohkit pyrshah ia ki shipai ki ba shah kynnoh.
Kane ka rai ka long ka jingkyntait kaba pura ia ka hok ia ki nongshah lehbeiñ bad ki ba haiing jong ki, kiba la ap ia ka jingbishar hok .
Ia ka SIT, la thaw da ka Sorkar Nagaland, ka la pynlong ia ka jingtohkit kaba bniah, ka pyni ia ki sakhi kiba bun bha ba la pynngat ia 30 ngut ki shipai jong ka 21 Para (SF), kynthup ia ki Ophisar ba rangbah, kiba donkti ha ki jingpyniap ha Oting, ia ka kaiphot la aiti sha ka District bad Session Court jong ka Mon, hynrei ka Sorkar Pdeng ka la kyntait ban ai jingbit ia ka jingshah pynngat jong ki. Kane ka jingduna jong ka, ka pynduhjait ia ka rukom treikam ki aiñ , khamtam ha ka thaiñ kaba rit paid jong ka thaiñ Shatei Lammihngi, ha kaba ki jingbymhok ha ka histori ki la iehnoh ia ki dak kiba jylliew.
Ka rai jong ka Supreme Court ka pynjur tang ia ka jingsngew marwei kaba ki paidbah ka thaiñ Shatei Lammihngi ki sngew, khamtam kum ka ïingbishar hi ka la kam ba ka mukotduma ka lah ban iaid shakhmat lada ka Sorkar Pdeng ka ai jingbit ban pynngat ha ki kyndon aiñ. Kane ka jingsynshar ka jingkhanglad ka phah ia ka dak kaba ma-ba ka jingim jong ki riew paidbah, khamtam kito kiba na ki nongshah kyntait bad kiba ju shah iehnoh beiñ. Ka thaiñ Shatei Lammihngi, ki long kiba lah ban pynduh hapoh ka jingtap kaba jur jong ka aiñ jong ki bor ba kyrpang jong ki shipai (AFSPA).
Ka NESO bad ki kynhun jong ka ki la dawa ban pynduh noh ïa ka AFSPA, ka aiñ kaba dang ïai bteng ban pynneh pynsah ïa ka jingleh donbor, ka jingbym shah pynshitom, bad ka jingpynkheiñ hok longbriew manbriew kaba jur ha kylleng ka thaiñ Shatei Lammihngi. Ka jingpyniap briew ha Oting ka long sa kawei pat ka jingpynkynmaw kaba sngewsih kumno ka AFSPA ka pynlah ia kum kine ki kam shyrkhei ban jia khlem da don jingkitkhlieh ei ei.
Ka NESO ka dawa na ka sorkar pdeng ba kan pynshitom mardor ia ki 21 Para (SF) kiba donkti ha ka 2019. Ka jingpyniap briew ha Oting bad ban pynpoi ia ka hok sha ki nongshah pyniap bad ki ba haiing jong ki.
“Ngi pynkynmaw biang ruh ia ka jingdawa jong ngi kaba la slem bha na ka bynta ka jingpyndam noh syndon ia ka AFSPA ha ka thaiñ Shatei Lammihngi, ka aiñ kaba khlem jaka ha ka synshar paidbah. Ka jingbym lah ban leh kumta kan pynjylliew tang ia ka jingkylla jong ka jingbym shaniah bad ka jingleh donbor ha ka thaiñ” ong ki nongialam ka NESO kiba kynthup ia u Mutsikhoyo Yhobu General Secretary bad u Samuel Jyrwa u Chairman ka NESO.