Ka kynhun ïalehkai jong ka Lion S&YA kala jop da 10 Wickets ïa ka Evergreen SC&CC haka jingïalehkai jong ka District Cricket League 2025 bala pynïaid daka West Jaiñtia Hills District Cricket Association (WJHDCA) mynta ka sngi 29 tarik ha Mini Stadium, Khliehtyrshi.
Haba phai sha ka jingïalehkai, kaba la long hapdeng ka Lion S&YA pyrshah ïa ka Evergreen SC&CC. Ïa ka jingkynting toss la jop da ka Lion S&YA kaba la kam trai ban kawang ball nyngkong. Ka Evergreen S.C & C.C haba leit tied nyngkong kala kamai tang 70 runs bad liem 9 wickets bad duna uwei u player, ha ka overs kaba 16. U Riki Synrem ula long u nongtied ba kham paw mynta ka sngi napdeng ki nongtied jong ka Evergreen SC&CC da kaba tied marwei 22 runs na ki 21 balls ryngkat 4 tylli ki Fours (4s). U Deibormi Rangad, nongkawang ball jong ka Lion S&YA ula khyrwit marwei 4 wickets na ki 6 overs.
Ka Lion S&YA ha ka pali jong ka ban beh ïa ka thong, ki nongtied khmat jong ka ki la lah ban pynjop ïa ka kynhun jong ki da kaba tied haduh 71 runs bad khlem da hap ki wickets tang hapoh ka overs kaba 6.1. Napdeng ki nongtied jong ka dei u Firstbornson Dkhar uba kham leh bha da kaba kamai marwei 53 runs na ki 25 balls ryngkat 5 tylli ki Six (6) bad 3 tylli ki Four (4s) ryngkat lang bad u Kitboklang Rangad uba kamai 11 runs na ki 13 ball da kaba ïoh 2 tylli ki 4 (four).
U Deibormi Rangad, jong ka Lion S&YA u ba ïalehkai bha mynta ka sngi ha ka jingkawang ball, u la ïoh khur ïa ka nam Man of the Match.
Ka jingïalehkai ha ka sngi Wednesday 30/04/2025 kan long hapdeng ka Khliehtyshi SC pyrshah ïaka Moodymmai SC naduh ka por 9 baje mynstep.