Haba kren bad ki lad pathai khubor ha ka 22 tarik Rymphang 2025 na ka liang u General Secretary ka BJP Meghalaya u Bah Wankitbok Pohshna u la ong ka BJP ka don jingkymen ban poi sha ka thong ha kane ka MDC Elekshon sha KHADC bad JHADC.
U la ong ka jingmih shakhmat ka BJP ban ialeh ia kane ka Elekshon MDC sha KHADC bad JHADC ka long da ka jingthmu babha bad ka BJP ka la pyllait ia ki mat treikam na ka bynta u paidbah bad ki Kyrtong ka BJP ki trei shitom bad kyrmen ba katto katne ki seat ka BJP ka don jingkymen ban poi sha ka thong bad ka shong ha ka rai u Paidbah ha ka 24 tarik Rymphang 2025. Ka BJP ka ju trei beit man ka sngi baroh 5 snem lada peit ia ki jingtreikam jong ka Party naduh na Khlieh haduh ki Jylla ruh ka pyntreikam ia ki juh ki mat bad ka trei beit baroh 5 snem.
Shuh Shuh u la bynrap haba iadei bad ka jingbymithuh bha ki paidbah ia ki Kyrtong BJP ki kam ki ba bha ba ka party ka tyrwa lada ki paidbah ki sngewthuh kam da eh ia ki paidbah ban ithuh ka jingiadei bad u kyrtong ka donkam bha hynrei ynda la jop ki Kyrtong ki hap iaid katkum ka jingbthah jong ka party bad kam don jingeh lada ki paidbah ki sngewthuh bad lada jop kin iakynduh beit bad u paidbah.
Shwa ban pynkut u la ong ka Jylla Meghalaya kaba iar ki nongkitkam ka party BJP ki bun bha bad ka don ka jingtlot ba kum ka party kam pat lah ban tyllun bha bad na ka liang ka Party BJP kan pyrshang ban pynsngewthuh ba ka BJP ka don ka thong kaba bha bad nangne shakhmat ka BJP kan trei khambha bad ha kawei ka sngi ka BJP kan buh ia ka thong ba kan ioh ban thaw sorkar ha ka Jylla Meghalaya.
