U Myntri ka Tnad pule puthi ka Sorkar jylla u Rakkam A Sangma u la ong ba ka jingjur ka jingpep skul ki khynnah skul ha ka jylla Meghalaya kadei na ka rukom treikam ki Nonghikai hapoh skul, khamtam ha ka kyrdan Lower Primary.
Haba kren sha ki ladpathai khubor u Rakkam A Sangma u la ong ba ka jingpule ha ka kyrdan Lower Primary kam long kumba ka Sorkar ka la khmih lynti , Ia kane u Rakkam u la jubab halor ka jingdawa ki Nonghikai SSA hapoh ka Jylla ban kyntiew tulop bad haka juh ka por ban ithuh noh iaki kum ki Nonghikai ba pura.
"Ki don bun ki skul ha ka jylla ki bym don khynnah skul , ki don pat ki skul ki ba ki Nonghikai kim ju wan tista sha ki skul , ki don ki skul kiba bun daki Nonghikai iaki khynnah skul bad ki don ruh ki skul kiba khlem ki karma klas" u la ong .Haba kylli shaphang ka mat ki nonghikai u la ong “Ka jingdawa jong ki nonghikai SSA ka long kaba dei hynrei kum ki Nonghikai kidei ban shimkhia ban kyntiew iaka pule Puthi hala ki skul ba ki hikai”.
U la bynrap ba “Ka SSA kadei ka Program jong ka Sorkar Pdeng bad nyngkong ka rukom siew tulop iaki Nonghikai ka long 90% naka Sorkar Pdeng bad 10% naka Sorkar Jylla hynrei mynta ka rukom siew tulop kala kylla 30:70 bad naduh u snem 2025 kan long 65:35”.
U Myntri u la iathuh shuh shuh ba na ka liang ka Sorkar Pdeng man u snem ka ju khate 5% ka jingbei tyngka shaki Jylla naka bynta ban siew tulop iaki Nonghikai SSA.