Ka long ka khubor kaba kmen ia ki nongshong shnong ka jylla Meghalaya haba ka jingpang khlam Covid-19 kala nang kham hiar kham hiar hapoh ka jylla katba nang mih ki sngi. Ka tnat ka koit ka khiah jong ka sorkar jylla mynta ka sngi kala pyntip ba haduh mynta ki don sa tang 5 ngut kiba dang don ha ka jingpang Covid-19 (Positive).
Katkum ka khubor soarkar la iathuh ba mynta ka sngi ym don satia kiba ngat thymmai ne khlad ha u khniang jingpang COVID-19 ha ka jylla, hynrei don tang kiba la koit na kane ka jingpang 2 ngut. Kine ki 2 ngut ki ba koit ki dei na East Khasi Hills District.
Ha ba lum jingkheiñ ia baroh kiba la ngat ha kane ka jingpang naduh ba sdang hapoh ka jylla ki don 93,786, kiba la koit na kane ka jingpang ki don 92,188 ngut bad kiba khlad baroh naduh ba sdang haduh mynta ki long hi 1593 ngut.