Ki paidbah nong-pyndonkam da ka network Jio ha ka shnong Nongtalang ba hap hapoh ka Amlarem Sub-division ha ryngkat ki shnong ba mar jan kila pynpaw ka jingbynñiaw jur halor iaka jingtlot palat ka network lyngba u tower ba don hapoh shnong.
Na Ka liang ki katto katne ngut ki nongshong-shnong kiba long ruh ki nong-pyndonkam network Jio ki la iathuh, ba iaka network Jio ki ioh tang mynsngi, bad tang shu poi ka 8 baje mynmiet la thikna ban duh network, mynta la jan dap ar taiew.
Kaba ipylla ka long ba wat la ka jingioh light ka biang, balei pat u tower Jio u lip? Don pat kiba ong, lehnohei ka jingthep card (recharge) ba haka por ki mut ban pyndon kam ki duh noh ka network.
U wei na ki nong-pyndonkam network Jio u ong, “ka kamram jong ka kompani (network jio) ka dei ban pynhun ia ngi ki customers namar ba ngi la siew da ka dor bad na kane ka pisa ka kompani ka heh ka san” u la pynkut.
Kine ki nongpyndonkam iaka network Jio ki kyrpad jur ia kiba dei khmih ia une u tower ba don ha shnong Nongtalang ba kin sngewbha ban pynshna noh khnang ban long ka jingmyntoi ia ki paidbah bad kum juh ia ka kompani.
