Ha Amlarem Civil Sub-Division bad ha Laskein C&RD Block ruh la rakhe ia kane ka sngi Republic Day mynta ka sngi.
Ha Amlarem la pynlong ha madan ialehkai jong ka Amlarem Government Lower Primary School. I kong J.U. Kharpur, Additional Deputy Commissioner, Incharge Amlarem Civil Sub-Division ila pynher ia ka Lama lai rong bad shim ruh ia ka Rashtriya Salute ryngkat ka jingrwai ieit ri (National Anthem) bala lam khmat da ka Mang Hai Ryum SS, Amlarem.
Ki don 3 tylli ki kynhun kiba la shim bynta ha ka parade kiba kynthup ia ka Police Department bad ar tylli ki skul. Ka Riwar Jaintia Church of God SS, Ladjaplem kala ioh ia ka nam ba nyngkong katba ka Syiem Jingsuk HSS, Amlarem kala ioh ia ka nam ba-ar.
Ka don ruh ka jingpyni ia ki Tableau da ki 4 tylli ki tnat sorkar. Ka ophis Sub-Divisional Verinary Officer , Amlarem kala ioh ia ka nam ba nyngkong, ka ophis Sub-Divisional Agricultural kala ioh ia ka nam ba-ar katba ka Sub-Divisional Officer PHE, Amlarem kala ioh ia ka nam ba-lai. Ki la don ruh ki jingrwai bad jingshad bala iashim bynta da ki khynnah skul.
Ha Laskein C&RD Bloc ruh la rakhe lang ia kane ka Republic Day ba 74 ha madan ialehkai Hula, Moosyiem, Shangpung. U Block Development Officer jong ka Laskein u ma B. Niang ula long u kongsan bad pynher ia ka Lama Lai rong ka ri.
