Hadien 21 snem kata naduh u snem 2000 haba ka Lara Dutta kala ioh ban rah ia ka nam Miss Univers mynta ka kynti pat sa ka Harnaaz Sandhu kaba don ha ka rta ba 21 snem kaba dei ruh ka actress ha ki phlim Punjabi bad ka Model kala ioh ban rah ia kane ka nam na ka bynta ka ri India ha ka jingiakop kaba la long ha Universe Dome ha Eilat jong ka ri Israel hynnin ka sngi.
Kane ka dei ka sien kaba lai ba ka ri India kala ioh ban rah ia ka nam Miss Universe. Ka nongjop kaba nyngkong na ri India kaba la ioh rah ia kane ka nam ka dei ka Sushmita Sen kaba la jop ha u snem 1994, bud sa ka Lara Dutta kaba la jop ha u snem 2000 bad ka Harnaaz Sandhu pat kaba jop mynta ka kynti kaba la pynlong ia ka ri India ban ioh rah ia kane ka nam mynta la lai sien.
Ka Harnaaz ka dei kaba ju pule ha Chandigarh’s Post Graduate Government College Sector 11 bad mynta ka dang iakhun ban pyndep ia ka Master Degree jong ka ha ka Public Administration.
