Na ka liang u Deputy Commissioner ka East Jaintia Hills District ruh ula pynmih ia ka hukum ba yn hap khang khyrdep ia baroh ki jaka pule kiba don hapoh ka District lashai kiba kynthup ia ki skul, ki college bad kiwei de ki jaka pule.
U DC uba dei ruh u Chairman ka DDMA ula pyntip ba hadien bala ioh jingtip ba kala don ka jingmaham na ka tnad India Meteorological Department ba kan sa don ka jinghap jur jong u slap bad ruh ka jingbeh kyrthep jong ka ’erlangthari (Sitrang Cyclone) ha kine ki 24 kynta ban wan, kumta ban lait na kino kino ki jingmynsaw bad jingjia ba sngewsih la bthah ia baroh ki jaka pule hapoh ka District East Jaintia Hills ban khang lashai ka sngi (25/10/2022).