Ha ka jingrakhe ia ka sngi seng ne ka Foundation Day ba 74 jong ka Bharat Scouts and Guides, mynta ka sngi la pynlong ia ka Rajya Puraskar Rally ha ïing sah u Lat ka Jylla ha Raj Bhavan, Shillong.
U Lat ka Jylla u Phagu Chauhan, uba dei ruh u Patron jong ka Meghalaya Bharat Scouts and Guides ula aiti ia ki Rajya Puraskar Certificate sha ka 84 ngut ki Scouts, 9 ki Rovers, 76 ki Guides bad 9 ki Rangers ha ka jingiadonlang u Chief Secretary ka Jylla u bah D.P. Wahlang, u Secretary to the Governor of Meghalaya u Dr. BDR Tiwari bad kiwei de ki heh ki haiñ.
La pynkup burom ruh ia ki 7 ngut ki nongialam ba kynthup ia 5 ngut ki shynrang bad 2 ngut ki kynthei kiba la pyndep ia ka Himalaya Wood Badge Courese
Ha kane ka jingialang u Lat u la pyllait ruh ia ka lama ba la seng nongrim (Foundation Flag).
Lah ba kdew hangne ba ka Rajya Puraskar ka dei ka khusnam ba la tip kum ka Governor’s Award kaba dei ka khusnam kaba heh duh jong ki Scout bad ki Guide kiba ki ioh ha ka State-level, hadien ba kila pyndep ia ka jingshah hikai kaba 13 snem lyngba ki Scout Master bad ki Guide Captain bad pyndep ia ka State-level testing da ka kynhun jong ki nongai jinghikai kiba la tbit bha.
