U MLA ka Pynthorumkhrah Constituency u Bah AL Hek hynne ka sngi ka 11 tarik Naiwieng 2024 haba kren sha ki lad pathai khubor halor ka elekshon shiteng samoi ka ban sa long noh shen ha Gambegre ha ka 13 tarik Naiwieng 2024, ula pynpaw ba ka BJP ka dong jingkyrmen bha ban jop.
Na ka liang jong u la ong “Ka BJP ka don jingkyrmen ban poi sha ka thong namar ha ka jingleit ialap elekshon u iohi ba ki paidbah ki wan ban sakhi ban sngap ia kaei ka ba ka party BJP ka kren haba iadei bad ki matti treikam jong ka BJP na ka bynta kane ka elekshon ha Gambegre”.
U la bynrap “Lada ngi peit ia ka jingwan u paidbah ngi don jingkyrmen ban poi sha ka thong bad ka jingialeh ka long kaba jwat haduh kata kata namar kiwei ki party ki ban ialeh ha kane ka eleshon shiteng samoi ki long kiba khlaiñ bad ka rai ba khatduh ka shong ha u paidbah”.
Shuh shuh u la ong “Haba iadei bad ka jingiadei paralok bad ka NPP ha ka Sorkar u la bynrap da kaba ong ka Party NPP ka pynieng la ka jong, ka BJP ka pynieng la ka jong, ngi la dei ban iatreilang hynrei ngin iakhun la ka jong hi” ula pynkut.