U SP ka East Khasi Hills District U Bah Vivek Syiem lyngba ka kyrwoh ha 21 tarik u Risaw, 2025, u la pyntip ba u Ganja u ba la pom bad jynrat da ki pulit ha ka Shnong Laitlulong Sohiong u don kumba 10 Ton.
Ia une u Ganja la thung ha jaka ba heh 5 acre ha katei ka shnong la pyntip u SP Bah Vivek Syiem.
U la pyntip ba ka jingleit pom bad jynrat kum shi bynta ka kam ban ïakhun ia ki kam jingdih pynbuaid, la don bynta da ki pulit bad bor pynïaid ka District, ka tnad Forest, tnad Excise bad State Anti-Narcotics Task Force (ANTF).
Hadien ka jingpom bad jynrat ia u Ganja da ki bor pulit bad la thang noh syndon ia u ha katei ka jaka bad ka tnad pulit ka long pyrshah ia ki kam drok bad ka thmu ban iada ia ka imlang sahlang.
ka jingthung Ganja ka dei kaba beaiñ bad kan khring ia ki kyndon ka NDPS Act.
