U Samla Neilkee Mukhim, General Secretary ka Jaintia Student Union (JSU) Central Body haba kren sha ki lad pathai khubor ha kaba iadei bad ka jingwanrah ia ka lynti rel hapoh ka rilum Jaintia u ong ka JSU ka pyrshah jur ia ka jingthmu ban wan rah ia ka lynti rel hapoh rilum Jaintia khlem da ioh shwa ia ki aiñ ki ba khlaiñ.
Ka JSU kala pyrshah ruh ia ka jingkren u bah Kyrmen Shylla ha kaba ia dei bad ka lynti rel ba na ka liang ka jong ki, ki la kren shai ba lada ym ioh ILP wat khmih lynti ia ka lynti rel ha ri lum Jaiñtia.
Shuh shuh ka JSU ka ong ba ha ka jaka ka lynti rel, ka bha ban ai da ki Government College bad ki Medical Institution hapoh rilum Jaiñtia ba ki lah ban wanrah jingmyntoi ia ki paidbah.
Ka lynti rel ka dei tang ia ki hehspah katba ki tiar kum ki mar bam mar dih pat ki nang kiewdor na ka por sha ka por.