U wei na ki samla na ri Lum Jaintia uba ju don ka mynsiem ban ai jingiarap ia kiba bun ki paradoh parasnam kiba don ha ka jingkyrduh bad shitom, mynta ka kynti ruh ula leh ia kane ka kam leh isynei jong u da kaba leit ban ai jingiarap ia kawei ka longïing kaba don ha nongbah Jowai.
Une u dei u samla Lamdame Shangpliang bad ula leh ia kane ka kam leh isynei jong u kaba long shi bynta na ka jingrakhe ia ka jingdap 23 snem jong u. Na ka liang jong u Lamdame ula kular ruh ia katei ka longïing ba un kyrshan lem katba lah haba ki iakynduh ia kino kino ki jingeh jingkhuslai ha ka jingim. Une u samla u don ka jingngeit ba ka kam shakri ia ki para briew ka dei ka kam ba la ai kyrpang da u Blei ia u, ba un lah ban synniang ia ki para mynsiem kiba ia kynduh ia ki jingeh ha ka jingim jong ki, pynkut ka khubor ba la phah sha u Yutip.