Ka samla Jessica Siangshai kaba dei ka khun jong ka kong Shida Siangshai bad u ma Karme Kharwanniang, kala ïoh ban rung haka Top Ten list jong ka Examination 2025 bala dep pynbna ha ka 18 tarik mynta u bnai da ka skulbah North Eastern Hill University (NEHU), Shillong.
Ka Samla Jessica Siangshai kala wan syndon haka kyrdan ba 9th Position jong ka Bachelor of Science (BSc) honors in Mathematics, na ka skul ba ka pule ha Lady Kean College, Shillong.
Halor ka jingpoi ba shakhmat jong ka samla Jessica Siangshai, na ka liang ka Kur Phawa Siangshai, Khliehriat Unit ka dap da ka jingsngewkmen kaba khraw eh ban tip ba ka khun jong ka Kur kaba la ïoh rung syndon hapoh ka Top Ten list mynta u snem.
Ka Kur Phawa Siangshai ka kitbok kitrwiang ïa ki jingpule ba shakhmat jong i, da kaba kyrmen ba U Blei un don ryngkat lem bad ka ïing ka sem hi baroh kawei.
