Ka Ophis jong u Syiem ka Hima Sohra mynta ka sngi ka 30 tarik risaw 2024 ki la plie paidbah ia u maw kyrteng jong ka surok Duwansing Syiem Road kaba sdang naduh Mawkdok shaduh Ophis jong u Syiem Sohra.
U MLA ka Sohra u Bah Gavin M Mylliem ha ryngkat u MDC u bah Titos Chyne, u Syiem ka Hima Sohra bad ki bakhraw batri ki la plie paidbah ia u maw kyrteng jong kane ka surok.
Haba kren ha kane ka sngi kum u kongsan u Bah Gavin Mylliemngap u la ong ba u ai burom ia u Duwansing syiem ba khraw ka Hima Sohra ha ki por ba mynshwa. Bun na ngi ki paidbah ngi sah ha ka Umdum don teng teng ba ki pynsaphriang klumar ia ka khubor ba u Syiem Sohra u dei u syiem uba shet kylla hynrei da ki jinglum jingtip jong i bah BB Rymmain ngi iohi shisha ba u long u Syiem bakhraw shwa ban shimti ma u ia ka Hima sohra ka sohra ka la long kaba jot ba pra kum ba ngi ju ong ban pynjot ia kano kano ka long kaba suk hynrei ban tei biang kam long kaba suk. Ngi iohi shisha ba u long u Syiem ba stad u la pyniar ia ka Hima Sohra u la shna ia ka riti dustur ia ka synshar khadar kaba iaineh iaisah haduh kine ki sngi ba mynta. Ngi iohi da shisha ba ka jingsoi ia ka soskular bad u David Scott ha u snem 1829 ba ia kane ka soskular ka la ailad ia ki missionary ban wan sha ka Hima Sohra bad lyngba kine ki missionary la saphriang ka jingnang jingstad ha kane ka thaiñ ka ba ieid jong ngi ka shnong Sohra. Ngi sngewthuh shai ba lyngba une u syiem haba ngi iakhun pyrshah ia ki liang pyrshah ngi dei ban pyndonkam da ka bor jabieng ym da ka wait lam.
Shuh shuh u la ong ba ha kane ka juk mynta ngim dei shuh ban ialeh da ki tiar thma ter ter, ka la dei ka juk ba ngin ialeh da ka bor jabieng bad ngi donkam ban pynep da ka bor jabieng haba ngi pyrshang ban jop ia ki liang pyrshah ha ki bynta bapher bapher haba ngi iakynduh ha ka imlang ka sahlang ha ka synshar ka khadar na kawei ka por sha kawei pat.
Ha shwa ban pynkut u la ong ba ka jaidbynriew khlem ka kyndew ka shyiap ka long ka jaidbynriew kaba iap, na ka liang ka jong ngi kiba im ha ka pateng ba mynta ngi donkam ban ñiewkor haba iadei bad ka khyndew ka shyiap, ha ka Jylla jong ngi donbok shibun ba kum ka Jylla ngi long ka jaidbynriew kaba kyrpang bad ngi iohi ruh ia ki aiñ jong ka sorkar Jylla la teh la khum ba ngim lah ban die ia ki jaka ki puta jong ngi sha ki bar Jylla bad da kane da shisha ka long ka jongjop jong ngi. Kum ki briew kiba im ha ka pateng kaba mynta ngi donkam ban pynneh pynsah bad pynjanai shuh shuh ia kiei kiei kiba don khnang ba ki pateng ban wan kin pyrto ia ka ei kiba ki mynbarim ki la buh na bynta jong ki.
Na ka liang u Titos W Chyne haba ai jingkren kum u symbud kongsan u la ong ba ym lah ban len ia ka jingshisha ba ka jingleh burom ia u ne u Syiem ka dang sdang ha kine ki khyndiat snem nga ai khublei kyrpang ia u bah BB Rymai u ba la lum jingtip kyrpang shaphang une u Syiem ba khraw jong ka Hima Sohra ha ki por barim. U ai khublei ia ka sorkar bad kumjuh ia ka ja jingtrei shitom jong ka Hima Sohra u MLA baroh kiba iadonkti lang la lah ban pynurlong ia kane, bad ka la long ka burom kaba khraw ba nga ngeit ba naduh mynta ka sngi ki briew kin tip kin iohi ia ki signboard ki ban iaid shi lynter jong ka surok ba la ai nam ha une u Syiemba khraw jong ka Hima sohra. Khyndiat shaphang une u Syiemu long u Syiem ba stad ba proh jabieng bad kawei ka nuksa ba une u Syiem u la ai ka dei haba iadei bad ka khyndew ka shyiap. Ka Spirit jong ka Land Tranfer Act kaba dang ioh ha ki snem 1976 ka la don ha ki thied jabieng jong une u Syiem, Da kaba ka sorkar phareng ka pan jaka u Syiem um ai kumto u ong hap ia bujli kajuh ruh kane ka Tranfer Act kumba long mynta ka Spirit ruh kaba ngi ioh ia kane ka aiñ ngim lah ban ai jaka sha ki bym dei ki bar Jylla ki trai ri. Ha ka Hima Sohra ngi sngew sarong ba ngim ju ai jaka ia ki ba nabar bad kane ka dang neh haduh mynta. Nga sngewtynnad bha haba iadei bad ka khyndew ka shyiap namar ngi ioh ban iada ia ka khyndew ka shyiap. Ka jingkyntu jong nga ia ka Hima.
