Ka lympung ïalehkai phutbol jong ki khynnah skul kaba la tip kum ka ‘District Level Inter School Subroto Mukherjee Cup Football Tournament- 2023’, bala pynïaid da ka ophis u District Sports Officer (DSO) West Jaiñtia Hills District, Jowai kaba la long ha Kiang Nangbah Stadium, Dongmihsngi Jowai.
Ha ka jingïakhun jong ka Pre Quarter mynta ka sngi 26 tarik u Jylliew ha ka kyrdan Under-17 (Boys), kila don haduh Hynriew tylli ki jingïakhun, ha ka jingïakhun ba nyngkong ka Sawlyngdoh H/S School kala lah ban pynliem da 2-1 kol ïa ka Jowai Presbyterian H/S School.
Ka Mang Hai Ryum Sec. School kala pynliem da 3-2 kol ïa ka Marian Hill H/S School.
Ka Govt. Boys H/S School kala pynliem da 3-1 kol ïa ka R.C Eve Sec. School.
Ka H.K Singh Memorial Sec. School kala pynliem da 1-0 kol ïa ka Jowai District Presbyterian Sec. School.
Ka Ummulong Presbyterian H/S School kala pynliem da 5-0 kol ïa ka Achiever’s Sec. School.
Katba ka Nartiang Presbyterian H/S School kaba jop da ka jingïashut Tie Breaker da 3-0 kol ïa ka Laishnong H/S School.
Lashai ka sngi 27 tarik kan don ka jingïakhun Pre Quarter ha ka kyrdan U-17 shynrang bad kynthei, bad ka U-14 ong ki khynnah shynrang.
