Ka Syiem Elizabeth II kaba dei ka kmie jong u Khun Syiem King Charles kaba ju tip ruh kum ka Syiem Bilat kala khlad noh ha ka rta kaba 96 (1926-2022) ha ka miet jong ka 8 tarik mynta u bnai ha ïing syiem jong ka kaba don ha Balmoral Castle ha Scotland kaba dei ka jaka sah Lyiur jong ka.
Ka Syiem Elizabeth kala khlad hadien ba ki jingpang tymmen ba bun jait kila bat ia ka la katto katne por. Na ka liang kiba ha ïing jong ka naduh u khunsyiem Charles, ka lok jong u ki khun ki kti bad baroh kiba don jingiadei kila don ryngkat bad ka ha kine ki khyndiat sngi shwa ba kan khlad noh.
Ka jingkhlad noh jong ka Syiem Elizabeth II kala wanrah ka jingiam briew ia baroh ka ri United Kingdom bad ia kiba bun ki ri jong ka pyrthei.
Na ka liang jong u Prime Minister ka ri India u Narendra Modi ruh ula phah ia ka khubor sngewlem sha kiba ha ïing jong ka Syiem Elizabeth II.