Ka long ka khubor kaba kham phylla ba ka sorkar jylla ka la rai ban leit shaw bad leit buh ia ki nongleit peitkai ia ka jingialehkai phutbol Durand Cup ka ban sdang lashai ka sngi ka 2 tarik Nailar khlem jingsiew ka ban long ha madan Jawaharlal Nehru Stadium Polo. Kane ka dei ruh kum ka jingai mynsiem ia ki nongialehkai bad kumjuh ia ki paid ieit phutbol.
Ka long ka jingsngewsarong na ka bynta ka jylla ban ioh pdiang (host) ia kane ka lympung ba la rim tam ha ka dewbah Asia. Ka sorkar ka la pynbiang pura ruh ia ki jaka ieng kali, ka jingpynduna ia ka jingsahkut kali, da kaba ai shuti ia ki skul kiba hap hapoh Municipal bad la pynbiang ruh ia ki bor pahara ba tikna.
Ki kali kin don naduh Smit, Nongthymmai, NEIGRIHMS, Itshyrwat, Nongmynsong, Mawlai, Laban, thaiñ 7mer, thaiñ Rynjah, thaiñ Laban bad Mawiong.
Ka jingiakhun lashai ka sngi kan long hapdeng ka Shillong Lajong pyrshah ia ka Tribhuvan FC ha ka por 4 baje janmiet.