Ka Rotary Club Jowai (RCJ) ha kane ka sngi saitjaiñ kala ïoh ban pynthymmai ïa ki nongkitkam naka bynta u snem 2023-2024, kaba long ruh ka sien kaba 28 (Installation Ceremony) haka jingïalang bala pynlong ha Infinity Restaurant Mooralong, Jowai.
Ha kane ka sngi na ka liang u Rtn. Dr. K.S. Elangbam (major Donor) ula long kum u kongsan ha ryngkat ka jingdonlang ki Dkhot ka Club bad la sdang ka prokram da ka jingrwai ïaka National Anthem.
Ka Rtn. E. Gatphoh MPH ka la pynsngew halor ka jingsdang jong kane ka Club da kaba ong ki la don ki dkhot kiba la mih na kane ka Club bad ki don ruh kiba la rung thymmai hapoh jong ka. Hynrei kum ka Club kaba peit ïa ka bha ka miat bad ka roi ka par kala synñiang shibun ki lad jingïarap ha ka imlang ka sahlang.
Ha kane ka sngi ka Rotary Club Jowai (RCJ) kala sam ruh ïa ka khusnam sha uwei na ki dkhot ka Club u Rtn. Montri Passah (MPHF) Past President uba la ju ïarap manla ka por ïa ka Club.
U Rtn. Dr. Vincent T. Darlong PHF Vice Chancellor MLCU haba ai kren kum u kongsan ula kyntu ïa ki nongkitkam jong kane ka Rotary Club Jowai ba kin ïaitrei shitom ha ki kam ba bha. Ula ai ruh ka jingïaroh ïa u President ba rim Rtn. Samehi Laloo uba la trei shitom ban pynïaid shakhmat ïa ki kam ka RCJ.
Ula kular ruh lada kane ka Club ka donkam kino kino ki lad jingïarap na ka liang jong u u kloi ban ai ka jingïarap da kaba ïatreilang, u ong kum ka Rotary ka donkam bha ban kiew shakhmat da ka jingpynrung ïa ki Member namar na ki Member kan pynkhlaiñ shuh shuh ïa ka Rotary ha ka ri jong ka pyrthei hi baroh kawei. Da kaba u la pynsngew ba ka thong ba hakhmat eh jong ka Rotary ka long ban wanrah ïa ka jingshong suk shongshngaiñ bad ban pynkup bor ïa ki khynnah kynthei ha baroh ki liang.
Ki nongkitkam ba thymmai ka Rotary Club Jowai 2023-24 ki long u President Rtn. Deibormi Toi, Vice President Rtn. S.K. Lato, Secretary Rtn. J.M. Pohsngap, IPP Rtn. Samehi Laloo, Treasurer Rt. Lakhon Laloo, Sergeant at arm Rtn. O.F Majaw, Foundation of Club Trainer Rtn. E.F Gatphoh, Director Club Service Rtn. D. Biam, Community Service Rtn. B.P. Najiar, Vacational Service Rtn. M. Gatphoh, International Service Rtn. B.Lytan, Youth Service Rtn. M. Passah, Literacy Service Rtn. D.I. Kjam bad Bulletin Editor Rtn. R. Nongtdu.
