Ka HUC kala ioh ia ka nam jop ha ka jingialeh Under 19 Boys bala pyniaid da ka West Jaintia Hills District Cricket Association, kaba la pynlong mynta ka sngi ha madan Jrisalein, Joai hadien ba kala pynliem ia ka Khimmusniang da 10 wickets.
Ia ka Toss la jop da ka Khimmusniang kaba la jied ban tied nyngkong, ha kaba ka la ioh ban kamai 65 runs na ka 14.5 overs bad ka la hap lut baroh ki wickets. U Kenite Bare hula ioh ban kamai 13 runs na ki 13 balls, na ka liang ka HUCC u Maremdor Sutnga, u Neheimaia Gatphoh bad u Chwamiki Ryngkhlem kila ioh mar 2 wickets.
Ha ba beh ia ka thong ka HUCC kala lah ban tied 67 runs na ka 3.4 overs. U Deilangki Passah ula kamai 25 runs na ki 12 balls, u Heyomiki Ryngkhlem u la tied 24 runs na ki 9 balls.
Ia ka nam Man of the Match la ioh da u Neheimaia Gatphoh uba la ioh 2 wickets bad ai 4 runs na ki 2 overs.
