Kumba la leh lang baroh shityllup ka pyrthei, ia ka sngi kaba la tip kum ka International Day Against Drug Abuse and Illicit Trafficking ne ka sngi pyrshah ia u Drugs la rakhe ia ka, ha Khliehriat East Jaiñtia Hills District, halor ka phang “The Evidence is Clear: Invest in Prevention” ia kane ka jingrakhe la pynlong da ka ophis jong ka District Social Welfare Officer, East Jaiñtia Hills District ryngkat ka jingiatreilang bad ka Mihmyntdu Community Social Welfare Association (MCSWA) ha Khliehriat Higher Secondary School, Khliehriat, East Jaiñtia Hills District.
Ha kane ka sngi la donlang ruh ki ophisar ka District Social Welfare Officer, East Jaiñtia Hills District kong R. Bareh, Sub-Inspector na ka ophis u Superintendent of Police, S. Buam, Medical Officer In-charge of Oral Substitution Therapy (OST) Centre Khliehriat Dr J. Nongtdu, Jaiñtia Cluster Programme Manager, District Integrated Strategy for HIV/AIDs u ma S. Tariang, Assistant Public Prosecutor, u J. Pdang, Principal jong ka Khliehriat Higher Secondary School, Khliehriat, Father J. Swer, ki khynnah skul bad kiwei de.
