Ia ka Mock Drill ne ka jingpyni nuksa halor kumno ban ïada na ka jingkhynñiuh u jumai bad ka jingtwa khyndew la pynlong mynta ka sngi ha nongbah Jowai ha kiba bun ki bynta.
Ia kane kane ka Drill la shimbynta bad pynïaid da ka District Disaster Management Authority (DDMA), West Jaintia Hills.
Ha kane ka jingpyni nuksa la pynpay ia ka sairen ha ka por 9:00 baje mynstep kaba pyntip sha ki paidbah ba u jumai un sa khih. Ia kane ka Drill la pynlong ha Iaphi Shopping Complex, ha Bharat Petrol Pump, Gate Laban bad ha Presbyterian School, Mission Compound, Jowai.
Ha kane ka jingpyni nuksa la pyni kumno ka kynhun ai jingiarap kila poi sha ha ki jaka ba jia ka jingkhynñiuh jumai bad twa khyndew na ka bynta ban ai jingiarap ïaki lanot.
La buh nuksa ruh ïa ki jaka sah ba shipor (Relief Camp) ha Hall jong ka Dorbar Shnong, ka Lion Mission Compund, Jowai.
Mynta ka sngi ïa kane ka prokram (State Level Mock Exercise) la ïashim bynta da ki District bapher bapher bala ïashim bynta da ka State Disaster Management Authority (SDMA) bad ka National Disaster Management Authority (NDMA).
