Mynta ka sngi ka 22 tarik u bnai rymphang 2025 ka Shnong Wapung Skur bad ka shnong Bataw kiba hap hapoh ka East Jaiñtia Hills District ki la ïoh biang ïa ka lad ban thep ïa ki votes hadien ba ki nongpyniaid ïa ka election ki la pynsangeh noh ïa ka jingthep kiba don hapoh kine ki shnong katta ka polling station jong ki Female lane ki kynthei bad ka Polling jong Ki Male lane ki shynrang.
Kane ka jingthep vote mynta ka sngi ka long ba hadien ki bor ba pyniaid ia ka election ki la ai lad biang ban thep ïa ka vote lane ka re poll na ka daw ba mih ka kynrum kynram bad ka jingpynpaid pynpra ïa ki kot ki sla bad ki EVM ha kine ki polling station katta mynnin ka sngi ka 21 tarik u bnai rymphang 2025.
Mynta ka sngi pat ka jingthep ïa ki vote ka la iaid beit iaid ryntih naduh ka por 7 baje mynstep ha ka jingiadon ryngkat ki bor pahara ba khlaiñ ha kitei ki jaka thep votes.