Mynta ka sngi nongrep ba kynthup ia kiba don ha ki Self Help Group bad ha ki Society bapher bapher kila wan ban pyni nam ia ki jait mat bapher bapher jong ki nalor ki mar bam kum ka umngap, ki musli musla bad kiwei kiwei ki mar ha ka District Level Industrial Exhibition 2022 kaba laiphew lai kaba la pynlong ha Ladthalaboh Indoor Sports Hall, madan Daimasi, Jowai.
U kongsan u ma Wailadmiki Shylla haba ai jingken, ula pynpaw ka jingiaroh ia kane tnad kaba la pynlong ia kum kane ka iew pyninam kaba dei kawei na ka lad ba ki nongrep bad nongsengkam lajong ki ioh ban pyni pyrthei ia ka sap ka phong jong ki lyngba tiar ba ki shna hi da la ki jong ki kti. Na ka liang jong u, u la pynshlur ïa ki nongïashim bynta ban pynmih kham bun ki mar bad ula kyntu ruh ïa ki samla ba la nang la stad ki bym donkam don jam ba kin sdang ia kum kine ki jait kam lyngba ki karkhana barit khnang ban kiew ka ioh ka kot bad ha kajuh ka por ula kyntu ban shim kabu ïa ki skhim sorkar bapher bapher kiba pynmyntoi bad kyntiew ia ka ïoh ka kot jong ki.
Ia ka prokram mynta ka sngi la pyniaid da u District General Manager u ma P. Toi, uba la iathuh ruh ia ki skhim bapher kynthup ka skhim Prime Minister’s Employment Generation Programme (PMEGP) bad ka skhim Home stay na ka bynta ki samla bym don kam don jam kaba dei ka subsidy prokram.
Kiwei de kiba la ai jingkren ha kane ka sngi ki kynthup ia ka SE Kharpran Functional Manager, bah C. Sutnga Functional Manager bad F. G. Syngkon Assistant Director of Cottage.
