Hadien bala iohi lyngba ki lad pathai khubor ba ka sorkar Assam kala khynra naphang iaki mynder kiba wan buhai shnong beaiñ ha ka jylla Assam.
Ha ka 4 tarik u bnai Nailar 2025 na ka liang ka KSU Kupli Area Circle ryngkat ka jingiadon lang ki bor pulit jong ka Saphai Police Outpost West Jaintia Hills District ki la leit ban khynra naphang iaki mynder ki ba thmu ban wan rieh tngen haka Jylla Meghalaya ha ka jaka khappud bad ka Assam kaba don ha ka Shnong Saphai WJHD.
“Ka jingshim kabu jong kine ki khar Bangla bad kiwei kiwei ki mynder kiba thmu ban wan rieh tngen ha ka jylla Meghalaya ki tip ba ka jylla jong ngi ka long kaba laitlan khlem da don ki aiñ ban iada kumta ki bar Jylla ki long kiba shlur ban wan rung beaiñ. Naka liang ka seng ka ong ba kan ïai khynra manla ka por bad ym shah ba ka jylla jong ngi kan long kum ka dustbin ban bret iaki khar bangla kiba shah beh naka jylla Assam” ong ka KSU.
Ka KSU ka kyntu ruh ia ka Sorkar ba kan ym dei ban kheiñ sting bad ka kyrwoh na ka Seng ka long ba lada ki bor sorkar kim leh eiei wat ong pat ba ngi pynkheiñ Ain lada ngin leh ma ngi.
Ka seng ka lah lap ruh baka lynti na ka Shnong Saphai kadei kawei na ki jaka ba ki Mynder ki lah ban wan rung beaiñ shapoh ka Jylla.
Ka seng ka la kyntu ruh ia ki bor Shnong bad ki para Ri ba kin long kiba peit ngor ia ka Shnong ka thaw khnang ban ym shah tyllup ha ki poi ei.
