Ka office District Social Welfare Officer, East Khasi Hills, Shillong mynta ka sngi kala rakhe ia ka sngi kyrpang jong ki briew ba don jingduna ka International Day of Persons with Disabilities, 2023 halor ka phangpdeng “United in action to rescue and achieve the Sustainable Development Goals (SDGs) for, with and by persons with disabilities” ha Multi-Purpose Hall jong ka Mawtap Pyllun kaba hap ha Sohiong C&RD Block.
Ka kong S. Bang, District Programme Officer, ICDS Cell, East Khasi Hills District kala long ka kongsan ha kane ka sngi, ha ka jingiadonlang ka kong E. Kharchandy, District Social Welfare Officer, East Khasi Hills, u bah R. C. Lyngkhoi, Rangbah Shnong, Mawtap Pyllun, i B. Kharbuli na ka District Legal Services Authority, East Khasi Hills bad ki nongshong shnong ba najan bad sawdong ka Sohiong kila iapoi lang.
Ha kane ka sngi kala don ruh ka jingai jingsumar ei ia ki briew kiba don jingduna da ka jingiatrei ryngkat ka Sohiong Community Health Centre. Kala don ruh ka jingsam ia ki khusnam bad ka jingaisngewbha.
