Ka tnad Sports & Youth Affairs ryngkat bad ka Meghalaya State Olympic Association (MSOA) kin sa pynlong biang ïa ka Sohra International Half Marathon kaba lai ha ka jylla ha ka 21 Nailur mynta u snem.
Ïa kane ka jingïakob la ïoh ruh ïa ka jingithuh na ka World Athletics bad ka Athletics Federation, India. Na ka bynta kiba thmu ban ïashim bynta ha kane ka jingïakob lah ban pynrung kyrteng ïalade lyngba ka (online) website jong ka MSOA (https://meghalayaolympicassociation.com/marathon-run) lah ruh ban pynrung kyrteng lyngba ka offline, kata ha ka ophis jong ka MSOA ha JN Stadium & Sohra Shop hajan Petrol Pump, Lad Thanad. Ka tarik khatduh na ka bynta ban phah ïa ki kyrteng ka long ha ka 10 Nailur 2023.
Ha kane ka jingïakob mareh, yn don 3 tylli ki thup (category), kynthup ïa ka elite group (shynrang bad kynthei), Meghalaya-specific na ka bynta kiba 45-haduh 55 snem ka ‘rta, na ka bynta kiba la 55 snem shajrong bad na ka bynta kito kiba kwah ban ia mareh sngewbha (fun run).
Ki nongjop ha kane ka jingiakhun kin ïoh ïa ka song pisa ryngkat ki takma. Ka jingsam ia ki t-shirt bad nomber bib kan long ha ka 19 bad 20 jong u bnai Nailur ha madan Jawaharlal Nehru stadium kaba don ha Polo Shillong.
Na ka bynta ki jingtip ba kham bniah, lah ban phun ha u nombor 9774279743.