Hadien 4 sngi ba la lap ia met jong u Raja Raghuvanshi ym pat shim la lap ia ka met jong ka Sonam Raghuvanshi.
Ka kynhun jong ka NDRF , SDRF , SRT bad ki Pulit ka jylla ki dang pynlong ia ka jingwad haduh kine ki sngi ha kaba la poi haduh 14 sngi bad ym shym la lap dien satia ia ka met jong ka Sonam Raghuvanshi.
Ka kynhun jong ka NDRF ki la iathuh ba ka jingjrong jong ka riat ka la poi shaduh 450ft.
Na ka liang u Govin Raghuvanshi hymmen jong ka Sonam Raghuvanshi u la pynpaw bad kyrmen ba ka Sonam ka dang im bad u suba ba ka para jong u ka lah ban shah rahbor bad u kyrpad ia ka sorkar bad ki kynhun pulit ban pynjur ka jingwad ban lap noh ia ka para jong u ka Sonam Raghuvanshi.
Haba pyrshang ban kylli na ka kynhun NDRF ki la iathuh ba kin bteng biang ia ka jingwad ia ka Sonam Raghuvanshi lashai ka sngi ha ki jaka kiba ki Pulit ki suba bad kat haduh ba thoh ia kane ka khubor ka jingjah rngai jong ka Sonam Raghuvanshi ka sah ha ka umdum namar ka jingwad jong ka kynhun NDRF, SDRF bad ki Pulit ka la poi sha ka 14 sngi bad ym shim pat lap satia ia ka.
