Ka Meghalaya High Court mynta ka sngi ka 4 tarik Nailur 2025 ka la pynksan ia ka Dr Mazel Ampareen Lyngdoh ka MLA ka National People Party halor ka mukotduma tah sia lieh ha u snem 2008.
Haba kren sha ki lad pathai ka Dr. Mazel Ampareen Lyngdoh ka la ong ba ki jingshah kynnoh tah sia lieh ki la kut noh hadien 17snem. Ka Dr. Ampareen Lyngdoh ka la pynpaw ba kam don bynta bad kam shim pyndonkam bakla bad ka la ong 17 snem ka don hapdeng ka jingpang mynsiem ha ryngkat ka jingsngewsih, hynrei kane ka sngi ka dei kaba kmen ba ka ïingkashari ka la rai ba kam don bynta ei ei ha kane ka jingkynnoh tah sia lieh.
Kum ban shu pynkynmaw ka jingshah kynnoh tah sia lieh ka dei ha u snem 2008 ha kaba ka Dr. Mazel Ampareen Lyngdoh kaba dei ka myntri ka tnad pule puthi ka la shah kynnoh tah sia lieh ia ki score sheet jong kiba ialeh exam thep kam nonghikai Government Lower Primary School ha u snem 2008.
