Ki Nonghikai jong ka All Meghalaya SSA School Teacher Association mynta ka sngi ka 21 tarik Risaw ki la pynbna ba kin leit phai noh sha la iing hadien ba ki la shong kylliañ myngor la kumba 21 sngi naduh ka 1 tarik Risaw ha madan Malki. .
Haba kren sha ki lad pathai khubor na ka liang u President jong ka All Meghalaya SSA School Teacher Association u bah Peter Thyrniang u la pyntip ba ka jingpynsangeh noh ia kane ka jingshong kyllaiñ mungor ka dei namar ba ka Sorkar ka la khot iakren ia ngi ki nonghikai ba la shong kyllaiñ myngor khlem buh bor bad hadien ka jingialang ba la don ryngkat lang da u Commissioner ka tnad pule puthi ryngkat bad I Dr Ampareen lyngdoh ba na ka liang ka sorkar ka la mynjur ban ai ia kata ka jingdawa jong ngi ki Nonghikai.
Ngi sngewsnguh ba ka sorkar ka la sngap ia ngi haduh kane ka khyllipmat. Kumta na ka liang jong ngi ki Nonghikai ngi pyntip sha baroh ki Nonghikai ba mynta ngin pynsangeh noh ia kane ka jingiakhih tad haduh ba ka sorkar kan ai ia ngi ia ka jingdawa kaba ngi la dawa naduh ba sdang, lada ka sorkar kam shem pynurlong ia ngi kumba ka ka la kular na ka liang jong ngi ngin sa wanphah biang ban dawa ia ka hok haduh ba ngin da ioh. Kumta ngi kyrmen skhem kumba ka sorkar ka la kular ngin sa ioh ia u soh ba thiang u soh jong ka jingjop.
Ngi ai jingkhublei ia i Dr Ampareen Lyngdoh iba la mihkhmat na ka sorkar lyngba jong i ngi poi ha kane ka jingiakren. Kum ka kmie kaba iohi jingai ia ki jingeh jong ngi ki Nonghikai kaba pynsngewthuh ia kiwei ki Minister bad ia ki Myntri Rangbah ka Jylla ba ngi dei ban leh ei ei na ka bynta ki nonghikai SSA na ka bynta ka jingbha jong ki baroh kawei.
Ngin sa iakynduh biang ia ki Minister ynda la kut kane ka Bye Election jong ka Gambegre bad ia mynta ngin leit phai noh sha la ki jong ki skul.