[Image Credit: NASA]
Ki ar ngut ki stad haw haw jong ka ri US, ka Sunita William bad u Butch Wilmore kila khreh mynta ban wanphai sha sla pyrthei hadien ba ka kynhun jong ki 4 ngut kila poi ha International Space Station (ISS) mynta ka step Sunday ha ka por 1:35 a.m. EDT, ban ioh wan shaw ia ki.
Ka NASA ha ka jingiatreilang ba ka SpaceX kila trei bor bah ban leit shaw ia kitei ki ar ngut ki stad haw haw hadien ba kila sahkut sha haw haw la 9 bnai mynta kata naduh u bnai June 2024. Kine ki stad kila hap ban neh haduh 9 bnai ha ka jaka jong ka 8 sngi ka dei na ka daw ba ki don shibun ki jingthut ha ka lieng haw haw jong ki, ha kaba kim lah shuh ban pyndonkam ia ka ban ioh wan phai biang sha sla pyrthei.
Ia ka lieng haw haw ba la ai kyrteng ka Dragon Spacescraft la pynher na Kennedy Space Center jong ka NASA kaba ha Florida ha ka por 7:03 PM EDT ha ka sngi Thohdieng kaba la kit lang ia ki 4 ngut ki stad haw haw ban poi sha International Space Station.
Haba la poi hapoh ha Space Station ki kynhun kiba don ha katei ka Station ryngkat bad kitei ki ar ngut ki stad haw haw jong ka US ka Sunita bad u Butch kila pdiang sngewbha ia kane ka kynhun.
La khmih lynti ba ka Sunita bad u Butch kin wanphai sha sla pyrthei ha ki khyndiat sngi hapoh jong kane ka taiew la kumno kumno haduh ka sngi Wednesday.
[Image Credit: NASA]