U Symbud Myntri Rangbah ka jylla, Bah Prestone Tynsong hynne ka sngi ka 18 tarik Nailur u la mih noh na Apollo hospital kaba don ha nongbah Delhi.
U Bah Prestone u la poi kyndit sha hospital na ki daw ba kiew ka Blood Pressure (BP) ha ka 9 tarik mynta u bnai hynrei na ka bynta ka jingkoit kaba tikna la kit noh sha Delhi ha ka 11 Tarik.
Ka kyrwoh kaba la wan na u dkhot ka NPP, Bah Himalaya Shangpliang hynne ka sngi la ong ba u la mih noh na katei ka hospital bad mynta u don ha Meghalaya House Delhi na ka bynta ban shim jahthait shipor. U Bah Shangpliang u la pyntikna ruh ba u Bah Prestone un sa wanphai noh shen sha la ïing bad kiei kiei baroh mynta ki la iaid beit.
Na ka liang jong u la pynpaw ka jingkhublei ia baroh kiba la kyrshan bad kiba la ai mynsiem lyngba kane ka jingshitom khamtam ia ka konstitwensi Pynurlsla.