Hynnin ka sngi ka 2 Risaw 2025, u Myntri Rangbah ka Jylla Conrad K. Sangma u la ai ia ka jubab na ka bynta ki Nonghikai ADHOC da kaba kular ban kyntiew ia ka tulop jong ki ia kaba yn sdang ban pyntreikam naduh u Lber 2026.
Lah ban ong ba katei ka jingiakhih jong ki Nonghikai ADHOC kaba la ioh ruh ia ka jubab ka la ai mynsiem pat ia ki Nonghikai SSA ha ka Jylla na ka bynta ban sdang ia ka jingiaid lynti da kawei pat ka rukom.
Ka Meghalaya SSA School Association (MSSASA) hapoh ka jingialam jong u Bah Aristotle Rymbai, hynne ka sngi (3.10.2025) ka la pyntip sha baroh ki Nonghikai SSA (Khasi & Jaintia) ba kin wan sha ka jingiakynduhlang (Meeting) ha ka 6 Risaw 2025 ha Madan Malki, Shillong na ka bynta ban iakren bad iathir ia 3 tylli ki mat ba kongsan, kita ki long ban pynbor ia ka Sorkar Jylla ban pynskhem bad pynneh ia ka kam jong ki, ban pynbor ia ka Sorkar Jylla na ka bynta ban kyntiew ia ka tulop jong baroh ki Nonghikai SSA bad ban iakren bad ka Sorkar halor ka jingpynmih hukum jong ka Supreme Court haka 1 Nailar 2025 ha kaba iadei bad ka jingthmu ban weng kam noh ia baroh ki Nonghikai kiba khlem pat pyndep ia ka Teacher Eligibility Test (TET).
