U Bah A.L. Hek, MLA na Pynthorumkhrah Constituency hynne ka sngi u la pyntip paidbah ba u Union Education Minister, u Dharmendra Pradhan u la ai ia ka jubab halor ka shithi ba la phah ha kaba iadei bad ka kynrum kynram kaba la jan poi mynta shi snem.
Ia katei ka shithi ba la phah da u Bah Hek ha ka 3 tarik Iaiong 2025, u Myntri u la kular ban shimkhia bad leh ia kaba donkam, kata ban wad ia ki lad ban bujli noh ia u Prabha Shankar Shukla, Vice-Chancellor ka North-Eastern Hill University (NEHU).
Kum ban shu pynkynmaw, ia u Shukla la thung kum u VC ba pura ha ka 27 Naitung 2021 bad hadien ba la mih ki khubor ba thung kam sop sop hapoh katei ka skulbah, na ka liang ka NEHUSU, ki samla pule bad ki nonghikai ki la dawa ba un hiar shuki noh na ka kam VC.