Ki Nongshong shnong jong ka Umsning ba hap ha Mawkynrew Block East khasi Hills ha ryngkat ka jingsynran lem jong ka FKJGP Mawkynrew ki la wan iakynduh ia u Executive Engineer ka Meghalaya Energy Corporation Limited Mecl lumshai halor ka jingshong dum khlem light mynta la kumba 5 bnai kynthih.
Haba kren sha ki lad pathai khubor uwei na ki nongialam shnong jong ka Umsning kaba hap ha Mawkynrew u pynpaw ba wat haba la pyntip sha u MLA halor kine ki jingeh na ka liang jong MLA u shu kut tang ha ki jingkular bad kim banse ban wan kynduh ia u Executive Engineer ka Mecl ryngkat bad ka FkJGP Mawkynrew Circle . Halor ka jingshong dum bad ka jingbuh ia u Tranformer ba duh mynta la 5 bnai kynthih. Kumta na ka liang ki nongialam shnong ki pynpaw ia ka jingsngewhun mynsiem hadien ka jingwan kynduh ia u Executive Engineer ba u Tranformer un sa poi noh kumba arsngi ei ei ha ka shnong Umsning kaba hap ha Mawkynrew Block.
Na ka liang u President jong ka FkJGP Mawkynrew Cirle u Bah S Mynsong la ong ba ka jingwan ud ki paidbah nongshnong kim banse ban shimkhia namar ki la iathuh ba ki la wan iakynduh ia u MLA ka Mawkynrew hynrei ka shu kut tang ha ki jingkular kumta na ka liang ka FKJGP ryngkat bad ki nongialam shnong ki la wan iakynduh ia u Engineer bad ki sngewkmen bad na ka liang u Engineer u kular ban shim khia ia kane ka bynta bad tang hadien kumba shisngi arsngi yn pynpoi noh ia u Tranformer kumta na ka liang ka FkJGP Mawkynrew ka pynpaw ia ka jingsngewkmen ba u Engineer u la kular ban shimkhia haba iadei bad u Tranformer ha ka shnong Umsning Jong ka Mawkynrew block .
