Ka JSU hadien ba ka la ioh ka jingujor na ki nongtrei Security Guard kiba trei ha ha Best cement Ltd halor ka jingpynslem tulop da ki bnai, kumta ka JSU Khliehriat Circle da ka jingsngew lem ka la shimkhia ia ka jingeh ki paradoh parasnam kiba trei kum ki security guard.
Kumta na ka liang jong ka seng kala leit ban ban ia kren bad ki heh jong kane ka company bad ki ki lah pan por haduh lai taiew ban pyndep ia kane ka kam.
Hynrei na ka liang ka JSU kam sngew iahap ban buh por haduh lai taiew ban siew lut ia ki tulop kiba lah sah da kaba bun bnai kumta ka seng ka la leit biang sa shisien ban ia kren biang bad ka company bad ai por hapoh 24 kynta ban siew pyndep ia ka tulop ki nongtrei security guard hapoh ka Best Company.
Kane ka jingbuh teng ka company ban siew pyndep ia ka tulop ka lah pynbitar iaki dkhot ka seng bad ka seng ka lah tuklar da kaba pynbor ia ki heh company bad shisien don katei ka company ka lah kular ban pyllait noh iaka tulop ki nongtrei security guard hapoh ar sngi.