U Chairman jong ka Join Action Committee (JAC) jong ka Dong Namchiang u ma Lasting Pala mynta ka miet (22/06/24) u la pyntip ba ka JAC kala weng noh ia ka jingpakhang ia u surok NH-6 ha ki bynta jong ka thaiñ Namchiang baroh kawei.
Ia kane ka jingweng pakhang la leh hadien ba ka NHAI kala sdang ban pyntrei bad maramot noh ia ki bynta jong une u surok bah ha baroh ki bynta jong ka thaiñ Narpuh.
Kum ban shu pynkynmaw ba kane ka jingpakhang surok ka JAC kala sdang naduh ka 19 tarik mynta u bnai ban pynsngewthuh ia ka sorkar halor ka jingbymlah shah shuh jong ki ia ka jinglong jingman jong utei u surok bah ba dei iaid lyngba ka thaiñ jong ki.
