Arngut ki rang ïalehkai na ka ri Brazil kiba kynthup ia u Renan Paulino De Souza bad u Douglas Rosa Tardin ki la jied ban wanphai biang sha ka klob Shillong Lajong hadien shi samoi ïalehkai ba ki la mih, kata hadien ba kut ka I-league 2023-24.
Kine arngut kidei kiba la noh synñiang shibun ia kane ka klob kaba la mihkhmat ia ka Jylla Meghalaya sha ka lympung I-league bad Durand Cup mynta ka aïom.
Wat la ki la duh noh ban ïa lehkai ha ka lympung Durand Cup mynta u bnai hynrei kin ïoh pat ban ïalehkai na ka bynta ka klob ha ka lympung I-league ka ban sa sdang ha ka 18 tarik Risaw.
Ka Lajong kaba la lah ban ïalehkai bha ha ka lympung Durand Cup mynta ka samoi ha kaba ki la lah ruh ban poi haduh semi final ha ka sien ba nyngkong ki la pdiang da ka jingkmen ia kine ki arngut bad khmih lynti ba kin iarap bor bah na ka bynta ban rah ia ka nam khatduh jong ka lympung I-league bad ioh ban rung (qualify) sha ka lympung Indian Super League (ISL).