Ka jingpoi jong ka VPP sha ka jingjop haduh 17 Seat bad ka jingpynliem ia ki 11 ngut ki Sitting MDC ka pyni ba ki paidbah ki la kwah ia ka jingkylla haba iadei bad ka Synshar khadar ha Khasi Hills Autonomous District Council (KHADC).
Ki 11 ngut ki Sitting MDC jong ka Khasi Hills Autonomous District Council kiba la shah pynliem ha ki Kyrtong jong ka Voice of the People Party (VPP).
Ki Siting MDC kiba shah pynliem ki kynthup ia u Bah Pyniaid Sing Syiem na Nongthymmai konstitwensi , u Bah Lamphrang Blah na Mawphlang Diengiei konstitwensi , u Bah Pynshngain N Syiem na Mawkhar Pynthorumkhrah konstitwensi , U Bah Rangkynsai Kharbuki na Umroi konstitwensi , Kong Macdalyne Sawkmie Mawlong na Umsning konstitwensi , u Bah Batskhem Ryntathiang na Mairang Konstitwensi , u Bah Carness Sohshang na Mawkyrwat konstitwensi, u Bah Lambor Malngiang na Nongkrem, u Bah Fantin J Lakadong na Laitumkhrah Malki, Bah Teibor Pathaw na Mawlai konstitwensi , Bah Ryngkatlang Lyndem na langkyrdem- Laitkroh konstitwensi.
Ka Voice of the People Party hapoh ka jingialam jong u President Bah Ardent Basaiawmoit ka la ioh ia ka jingbun paid haduh 17 seats bad ka la lah ban thaw ia ka Executive thymmai ha KHADC .
Ki konstitwensi kiba ka VPP ka ioh ia ka jingjop ki long ka Mawlai, Laitumkhrah – Malki, Mawphlang – Diengiei ,Umroi , Nongthymmai , Mawkhar- Pynthorumkhrah , Langkyrdem- laitkroh , Umsning , Mawkyrwat, Nongkrem , Mylliem , Pariong Mawtharaidshan , Mawhati , Nongstoin , Sohrynkham , Mawkynrew bad ka Jaïaw konstitwensi.
