Mynta ka sngi u MLA ka 2-Jowai Constituency ma Wailadmiki Shylla uba dei ruh u Myntri ka sorkar jylla, ula bteng ban sam ïa ka skim ‘Special Rural Works Programme’ (SRWP) sha ki nongïoh myntoi hapoh ka Constituency lyngba ki tip sop ïing.
La pyntip ïa kitei ki tip sop ïing yn sam sha baroh ki nongïoh myntoi hapoh kane ka shi taïew lynter bad baroh ki nongïoh myntoi kila don haduh 1100 tylli ki longïing.
Naka liang ki kitei ki nongïoh jingmyntoi kila wan shim ïa ki tin sop ïing na ïing sah u MLA ha Mukhla, kila pynpaw ka jingsngewnguh bad ai khublei ïa u MLA ula la pynïoh ïa kane ka skim khamtam ha kum kane ka por ba la wan ka aiom slap.
Shuh shuh kila ai ka jingkitbok kitrwiang ïa u MLA ba un ïoh ïaka met kaba koit ba khiah, khnang ba un dang lah ban ai ka jingshakri kaba bha tam sha ki paidbah nongshong shnong hapoh ka 2-Constituency bad khamtam eh ïa ki longïing ba duk na ki thaiñ nongkyndong.
