U MLA ka Mawlai Konstituency u Bah Brighstarwell Marbaniang mynta ka sngi ka 18 tarik Naiwieng 2025 u la wan ai da ka jingthoh ban pynkynmaw ha kaba iadei bad ka shithi ba la phah sha ka ophis u Myntri Rangbah kaba iadei bad ka CMSDF.
Haba kren bad ki lad pathai khubor u MLA ka Mawlai u Bah Brighstarwell Marbaniang u la ong ka jingwan ai shithi sha ka ophis u Myntri Rangbah ka dei halor ka bhah CMSDF ba kum ki MLA ki ioh 10 lak bad u la ong kaba sngewlyngoh ka long wat hadien ka jingphah haduh 3 tylli ki shithi ba kynthup naduh u snem 2023-24, 2024-25 bad 2025-26 hynrei haduh mynta ki khlem pat pyllait haba iadei bad ka bhah CMSDF.
Nalor kata u la ong ba u Myntri Rangbah u pyrshang ban kdew kti ia ki MLA kiba don ha ka liang Pyrshah bad ka jingkren bad ka kam kam iahap namar wat tang ine i skhim iba rit kaba lah phah jingthoh haduh 3 tylli um pat pyllait bad mynta u wan ban pynkymaw biang haba iadei bad ka CMSDF hapoh Mawlai konstituency.
