Ai khublei kyrpang ka JBB&FA bad MBB&FA
Ka Jaiñtia Body Building & Fitness Association (JBB&FA) bad ka Meghalaya Body Building & Fitness Association (MBB&FA) ha ka kyrwoh ba la phah da ki President jong kine ki ar seng u ma Yoosar Kynjing bad u Flanagan Kharwanlang kila pynpaw ka jingai khublei ba kyrpang eh ïa ki saw ngut ki samla na ka jylla kiba la jop ha ka World Fitness Federation Mr. & Ms. India National Championship (Body Building & Models) kaba dang shu dep long ha ka 2-4 Nohprah 2022 ha Bhubaneswar jong ka nongbha Odisha.
Kine ki samla pyni dohksah jong ka jylla kiba la jop ïa kane lympung ba heh ha ka Ri ki long ka Jehvera B Nongkynrih kaba la rah ïa ka nam Mr. Bikini Model ha ka kyrdan 1st Place bad kumjuh ha ka Ms. Sports Model 2nd Place, u Pyndapbor ula jop ha ka Men Junior Bermuda Beach Model haka kyrdan 6th Place bad ha ka Junior Body Building ha ka kyrdan 5th Place, u Badonkupar Kharbih ula jop ha ka Men Body Building Performance Body haka 5th Place bad u Wanraplang Thubru ha ka Athletic Body ha ka kyrdan 3rd Place.
Kum ban shu pynkynmaw ba ka samla Jehvera B Nongkynrih ka la jop teng ha ka rynsan pyni dohksan ba ar ha Jowai kaba la tip kum ka Ms. Mr. IRON MAN AMATEUR-2022 kaba la Ladthadlaboh Jowai bad ha ka MS. Women Fitness Championship 2022 kaba la long Soso Tham Auditorium Shillong bad haduh kane ka kynti kala jop sa ha ka National Championship. Ha ka juh ka por kine ki ar seng ki ai ka jigkitbok kitrwiang ia kine ki samla ka jylla ba kin dang kiew shaphrang ha kum kine ki rynsan pyni dohksah bad kan long ruh ka nuksa ba ka bynta kiwei de ki khun samla jong ka jylla hi baroh kawei.
